independence eve ya phir azadi ki shaam

main yahan koi baudhik bahas chedne ya badi badi baatein karne ya phir 63 saal ke azad bharat ke insuarance ki baat karne nahi aaya.....main to bas dimaag mein chal rahe aade tede sawalon ko sidhi sadhe varnmaala mein 'cut copy paste' karne aaya hun.....is waqt ko 'independence eve' kahein ya kahein 'azadi ki shaam'.....jo shaam bas dhalti ja rahi hai ek raat ki taraf...jab subah hogi to is khuaf ke sath ki kahin bomb blast na ho.....kitne raastein kitne baje tak band rahenge.....phir lal qile par kitni safayi se kore bhasan sunne ko milenge......school ke gate par is saal kitne laddoo milenge....kisi ki sunday ki chutti maari gayi.....kisi ki overnight duety.....desh mein kabhi kabhi 'azad' maara jata hai ...aur roz azad desh maara jata hai.....uljhenge is shaam phir serious sawaalon mein.....nikalenge aur sawaal ...uthyenge phir sawaal.....ek dusre se puchenge sawaal.....sawaalon ke jawab mein uthenge aur sawaal......par jawabo ki subah nahi aayegi.....kyunki ye independence eve hai....yaani 'azaadi ki shaam' jo dhalti hi ja rahi hai........dhalti hi ja rahi hai......